ლიეტუვის საგარეო საქმეთა მინისტრის, ლინას ლინკევიჩუსის განცხადებით, დღეს ვილნიუსიდან ლიეტუვა-ბელარუსის საზღვრამდე მოქალაქეები 40-კილომეტრიან ცოცხალ ჯაჭვს შეკრავენ. ამის შესახებ პოლიტიკოსი Twitter-ზე წერს.
მინისტრის თქმით, ეს იქნება ბელარუსი ხალხის მხარდამჭერი აქცია, "მათ ბრძოლაში ჩაგვრის წინააღმდეგ".
"31 წლის წინ, 2 მილიონი ადამიანი გაერთიანდა და 600-კილომეტრი ცოცხალი ჯაჭვი შეიკრა ("ბალტიის გზა"), რომელიც აკავშირებდა ვილნიუსს, რიგას და ტალინს. დღეს, ჩვენ შევკრავთ 40-კილომეტრიან "თავისუფლების გზას", ვილნიუსიდან ლიეტუვა-ბელარუსის საზღვრამდე, იმისათვის, რომ ბელარუს დებსა და ძმებს მხარდაჭერა გამოვუცხადოთ, მათ ბრძოლაში ჩაგვრის წინააღმდეგ", - წერს ლიეტუვის საგარეო საქმეთა მინისტრი.
31y ago, 2mln people joined their hands & formed a 600km-long #BalticWay connecting Vilnius, Riga & Tallinn. Today, we’ll form 40km #FreedomWay from Vilnius to Lithuanian-Belarusian border to support Belarusian sisters & brothers in their strive for dignity against the oppression pic.twitter.com/yPQnmKU7KV
დახურვა